當年只係遊覧風景區之一嘅石燕岩，而家已經係國家一級歷史遺跡
三隻小艇原本係用作觀光，比遊客乘坐係外洞繞一圈，就好似桂林咁。對我來講就係我最怕一環，因為如果入內洞，就是full gears twin set，孖樽dry suit行上艇，對於我這個肥仔實在⋯⋯其實只是一丶兩分鍾，怕。
依個就係石燕岩入口大堂，亦係我哋準備儀器同休息地方。一個好大平台，後面仲有啲後期用作擺賣嘅臨時小鋪。
大家都會奇怪，點解冇端端會有個咁大嘅大堂，仲鋪好晒石屎或地磚？從依張相向右走，就見返啲正常中國特色⋯⋯一大個沙泥地。
機緣巧合下，幾年後係向一位原籍佛山嘅前輩解釋。原來石燕岩係佢地兒時嘅大禮堂，大事大節，結婚喜宴都會用依個大堂攞酒。平時就係佢做「靚仔」嘅遊樂場，會踩單車、rollers、打下羽毛球咁。吾識死嘅會跳落外洞游水，之後因意外有細路仔遇溺，就被村長封場。
當提及內洞有咁大咁深，佢就好愕然。
內洞有幾大？
一條main 帶六個jump, 雖然d jumps算短，但都随時20-30M水深，而且只得17、18度水溫。
大堂周邊仲見到一些較為早期人民生活嘅痕跡。
#IHKUAR#Archaeology#Diving#